الأحد، 3 أغسطس 2008

انا ابن النهارده

بعد كل ال بيحصل حواليا انا قررت يا جماعه اسفا انى مش هستكمل قصتى من وانا صغير لان الانسان مهما كان حذر اكيد فيه هفوات
اتمنى انكم تفهمونى بس انا مقدرش اجازف باى حاجه تكشف مثليتى قدام اهلى لانى بصراحه وقتها ممكن انا انتحر من نفسى كده وبلا تردد على العموم انا هشارككم الايام اللى بعيشها يوم بيوم لكن قبل كده اعتقد انه شخصيتى كانت مميزه اى حد ممكن يكتشفها بسهولى



اسف

MIMI

الجمعة، 27 يونيو 2008

حياتى 00000

برغم ان وقتها عمرى مكانش لسه خمس سنين لكنى كنت عارف ان دى النهايه ف احلى مكان حبيته
<<<<<<<<<<<<<<<< الاسكندريه>>>>>>>>>>>>>>>>>>>>>>>>>>
عمرى ما هنسى شقتنا
ولا سريرى الصغنون ال كنت يا دوب اقف عليه عشان اشوف البحر

اكيد الوضع كان غريب بالنسبه لطفل
بس لازم ظروف شغل بابا اتغيرت واصبح لازم ننتقل للارياف !!!!!!

مكان لذيذ
بس

صعب جدا التعامل مع الناس


اعتقد ان البدايه كانت من هنا

الخوف خايف من الناس ونظراتها خايف من الاولاد كل الالعاب غريبه وكل اسلوب اللعب حتى بتاع الاولاد غريب


ومن هنا بقى قررت اختار العزله

وف راسى شئ واحد بس
انا مش زى دول
ههههههه

تخيلوا يا اصحابى انى عشت بدون صاحب لما وصل سنى 14 سنه!!!
فعلا

خلال السن ده حبيت

ايوه حبيت اجمل بنت ف الدنيا زى القمررررررررر
بس معرفش ايه حصل حبى خمد فى قلبى ومعرفتش السبب الا متاخر اوى


اول صاحب


اول صاحب ليا كان محمد
زميلى فى المدرسه كان هااااااادى وجميل ويشبه ممثل اجنبى باضبط
قربت من محمد واتعرفت عليه وعرفته

بس صدمنى صدمه العمر
عرفت منه انى مكروووووووووووووووووه لدرجه غريبه

يعنى انا عشان كنت دايما ماشى ف حالى ومش بكلم حد ومش بعرف حد هى دى الافكار ال اتاخدت عنى
انى مغرور
ومتكبر ودلوعه والخ الخ الخ ...................................
وطبعا بكرامه عم عبده نزلت ف اول صاحب ليا شتيمه وانت كداب وانت وانت لغاياه ما زهق منى
ومن يومها مش كلمته كلمه واحده

وطبعا بقى بدات وقتها الاحظ نظرات الناس ليا واتاكدت فعلا من كده
انا اكيد باختصر ف الكلام بس عشان الموضوع ميطولش وتملوا
المهم

قررت من وقتها انى مش طالع من البيت
اخدت الثانويه العامه كلها ف البيت

انا يا جماعه مش عاوز حد يكره الناس ال عرفتهم بس بجد ال قال لؤم الفلاحين عمره ما كدب
ههههههه

الناس دى عايشه بتتغذى على الكلام عن الناس
طبعا كان اقصى حلمى ف الوقت ده انى الاقى بس حد يفهمنى

كنت با ناضل ف الثانويه عشان اجيب مجموع لكليه القمه ادبى
لانى بكل امانه نفسى اطلع من البلد ده نفسى الاقى ناس اعرف اصاحبهم
هههههه
اظن كده فكره العبط اتاخدت عنى رسمى

ههههههه

لالالالا
محدش يعتقد كده
انا اثناء الانعزال عن العالم كنت بقرا شعر بنهم بحكم شغل بابا عنده كتب شعر كتيييييييييير

وكمان عندى الحمد لله موهبه الرسم وفرصه جايه انشاء الله اعرضلكم بعض رسوماتى

يعنى انا مش عقد اوى يعنى
طبعا لسه فيه كلام كتير اوى بين السطور بس انا عاوز كل اصحابى يعرفوا الملخص الاول بعد كده ننقى ال المفروض نتكلم ونتناقش فيه صح !!!!

المهم
المره الجايه نبدا مع الجامعه والسكن الجامعى ****************


شكرا على الصبر وطوله البال انكم استحملتوا تقروا دا كله
هههههههه

MIMI

الأحد، 22 يونيو 2008

الحاسه السابعه

اكيد عنوان غريب
بس انا متاكد فعلا انها الحاسه السابعه

كانسان مثلى انا اتعذبت الحمد لله بما فيه الكفايه خصوصا انى متدين جدا مش عارف دا الستار اللى انا بهرب فيه من عيون الناس وكلامهم لالا
انا فعلا مؤمن
دايما بصلى ومش بسيب فرض ربنا بس انا بجد بعد ما عذبت نفسى احلى عذاب اقتنعت ان اللى انا وكل المثليين فيه مجرد حاسه سابعه

وصفى ف ضميرى انى مذنب دايما وهتحاسب

بس انا فعلا مقدرش اقاوم حبى

الحاسه السادسه عند كل واحد هى مشكلته لقيها هيبقى عنده ميزه مش لقيها يبقى زى غيره

اما الامتياز بقى هو الحاسه السابعه
انك تلاقى انسان
مجرد انك تترمى ف حضنه تنسى الدنيا وما فيها بكل همومها
حد يقف جنبك بقلبه


انسان تترمى قدامه كل الاقنعه الزايفه اللى بنلبسها عشان نتعامل مع البشر بس مع حبيبك مفيش قناع انت الانسان الناعم الرقيق اللى جواك من غير ما تحتاج انك تبين حبك بيبقى واضح ف العيون
مهما كان البعد ومهما كانت المسافات

ف البدايه صوتى مع الجميع
اه فعلا المثليه شئ (غريب) وفعلا غلط
بس لو حصل لحد من اعداء المثليه اكيد هيغير رأيه
لأن مش بيحس بالنار غير اللى مسكها بايديه

اكيد انا بدأت كلامى جد بس ده لأنى من طريق والكدب من طريق تانى

انا فعلا اتعذبت ولسه بتعذب وكداب اللى يقول انه مش بيتعذب من مثليته ولو للحظه واحده ف حياته لما يلاقى كل الناس اللى بيحبهم مش عارفين حقيقته ونفسه يشاركهم حياته لما يعرف انه شئ حرام وبس

بس ف الاول وف الاخر اتحملنا وبنتحمل وهى دى حاستنا السابعه

انا مليش اصدقاء مثليين بالمره ومعرفش ف الدنيا غير حبيبى
وحبيبى ف دوله تانيه خالص
بنشوف بعض اه
وبنتكلم كل يوم

بس مهما كان نفسى الاقى صوت يرد عليا حد يسمعنى
واسمع لحد غير صدى صوتى
اتمنى اكون صداقات كتير من خلال المدونه مع ناس افهمهم ويفهمونى

mimi

انا

شاب عمرى عشرين سنه
واقع ف الحب لشوشتى


حبيبى هو كل حياتى
رمز الامان بالنسبه ليا

عندى اكتر من مليون سنه كلام بس انتو اتحملونى

بس اول كلامى

بحبك يا بى بى وللابد