الجمعة، 27 يونيو 2008

حياتى 00000

برغم ان وقتها عمرى مكانش لسه خمس سنين لكنى كنت عارف ان دى النهايه ف احلى مكان حبيته
<<<<<<<<<<<<<<<< الاسكندريه>>>>>>>>>>>>>>>>>>>>>>>>>>
عمرى ما هنسى شقتنا
ولا سريرى الصغنون ال كنت يا دوب اقف عليه عشان اشوف البحر

اكيد الوضع كان غريب بالنسبه لطفل
بس لازم ظروف شغل بابا اتغيرت واصبح لازم ننتقل للارياف !!!!!!

مكان لذيذ
بس

صعب جدا التعامل مع الناس


اعتقد ان البدايه كانت من هنا

الخوف خايف من الناس ونظراتها خايف من الاولاد كل الالعاب غريبه وكل اسلوب اللعب حتى بتاع الاولاد غريب


ومن هنا بقى قررت اختار العزله

وف راسى شئ واحد بس
انا مش زى دول
ههههههه

تخيلوا يا اصحابى انى عشت بدون صاحب لما وصل سنى 14 سنه!!!
فعلا

خلال السن ده حبيت

ايوه حبيت اجمل بنت ف الدنيا زى القمررررررررر
بس معرفش ايه حصل حبى خمد فى قلبى ومعرفتش السبب الا متاخر اوى


اول صاحب


اول صاحب ليا كان محمد
زميلى فى المدرسه كان هااااااادى وجميل ويشبه ممثل اجنبى باضبط
قربت من محمد واتعرفت عليه وعرفته

بس صدمنى صدمه العمر
عرفت منه انى مكروووووووووووووووووه لدرجه غريبه

يعنى انا عشان كنت دايما ماشى ف حالى ومش بكلم حد ومش بعرف حد هى دى الافكار ال اتاخدت عنى
انى مغرور
ومتكبر ودلوعه والخ الخ الخ ...................................
وطبعا بكرامه عم عبده نزلت ف اول صاحب ليا شتيمه وانت كداب وانت وانت لغاياه ما زهق منى
ومن يومها مش كلمته كلمه واحده

وطبعا بقى بدات وقتها الاحظ نظرات الناس ليا واتاكدت فعلا من كده
انا اكيد باختصر ف الكلام بس عشان الموضوع ميطولش وتملوا
المهم

قررت من وقتها انى مش طالع من البيت
اخدت الثانويه العامه كلها ف البيت

انا يا جماعه مش عاوز حد يكره الناس ال عرفتهم بس بجد ال قال لؤم الفلاحين عمره ما كدب
ههههههه

الناس دى عايشه بتتغذى على الكلام عن الناس
طبعا كان اقصى حلمى ف الوقت ده انى الاقى بس حد يفهمنى

كنت با ناضل ف الثانويه عشان اجيب مجموع لكليه القمه ادبى
لانى بكل امانه نفسى اطلع من البلد ده نفسى الاقى ناس اعرف اصاحبهم
هههههه
اظن كده فكره العبط اتاخدت عنى رسمى

ههههههه

لالالالا
محدش يعتقد كده
انا اثناء الانعزال عن العالم كنت بقرا شعر بنهم بحكم شغل بابا عنده كتب شعر كتيييييييييير

وكمان عندى الحمد لله موهبه الرسم وفرصه جايه انشاء الله اعرضلكم بعض رسوماتى

يعنى انا مش عقد اوى يعنى
طبعا لسه فيه كلام كتير اوى بين السطور بس انا عاوز كل اصحابى يعرفوا الملخص الاول بعد كده ننقى ال المفروض نتكلم ونتناقش فيه صح !!!!

المهم
المره الجايه نبدا مع الجامعه والسكن الجامعى ****************


شكرا على الصبر وطوله البال انكم استحملتوا تقروا دا كله
هههههههه

MIMI

هناك 9 تعليقات:

Heart Beat يقول...

Dear MIMI

جميل انك تشاركنا ذكريات حلوة مرت عليك

تعرف ساعات و انت قاعد بتفكر في الايام الجميلة دي تلاقي نفسك بتبتسم مع نفسك بحركة لا ارادية

في ناس بتفهم العزلة او الانعزال غلط ... يعني انت اختارتك راحة بالك مثلا و قلت ابعد عن الدوشة ... لاقيت ناس اعتقدت انك متعالي عليهم و مش طايقهم من غير اي تقدير للحاجة اللي انت عايزها و اللي هي في الحالة دي الانعزال ... في ناس كتيرة للاسف تفكر في اللي هي عايزاه مش اللي الطرف التاني عايزه و ده بيخلق عزلة زيادة

و اديك استفادت من عزلتك بقرأة الشعر و تمنية موهبة الرسم و اكيد طبعا انا اول المنتظرين لانك تنشر بعض من اعمالك الفنية دي و من اي مدرس جه اتأثرت لوحاتك

و في انتظار انك تحكي لنا عن دراستك و ايه الصعوبات اللي قابلتك فيها و ازاي انتصرت على الصعوبات دي ... يعني فضفضة اصدقاء مع بعض

ما تتأخرش بقى في الكتابة و مشاركتنا موضوعاتك

تحياتي

دايخ في عالم بايخ يقول...

والله فعلا يا هارت بيت
ساعات بضحك
بس ساعات برضه الذكريات بتبقى زى الميه الساقعه
ههههههههه
اه والله ساعات بتصدم

مش هتاخر كتير فى الكتابه لان اللى عشته فى عمرى كله يوم

ولما دخلت الكليه دا كان يوم تانى خاااااااالص

شكرا اوى لمرورك

Hassan Mostafa يقول...

ya , most of people think that if you are lonely that mean you are sad or fool or there are something bad on you make people keep away from you , but i think it is sometime good thing people can use in mush good sweety thing that be good for them more than people themself .

and i will be waiting your rest of story man :)

عاشق ياسمين الشام يقول...

شكرا لك صديقي على البوست الجيل و اللي عرفتانا فيه على جانب من حياتك ، و على فكرة حياتك شبيهة لحد كبير من حياتي.

لكن انت بقيت 14 سنة من حياتك بدون صاحب ، لكن انا بقيت 21 سنة من حياتي بدون صاحب ، تقدر تتخيل 21 سنة من العزلة سنين المدرسة و الكلية كلها قضيتها بعزلة ، ما بعرف هو شئ من طبعي الخجول ، على شئ من نب> الناس لي و عدم تقبلهم لي من أيام المدرسة ، ما بعرف شو السبب.

أيه
قلبت علي المواجع
هههههههه

Heart Beat يقول...

طولت الغيبة فينك كل ده

روحت المصيف و لا ايه

يارب يكون خير ان شاء الله

احنا في انتظار بقية الذكريات الجميلة

تحياتي

عصفور يقول...

مرحبا
أرجو من جميع المدونين المشاركة في الموضوع الخاص بمساعدة الدكتور محمد
فكرة الموضوع في مدونتي


شكرا للجميع

ٍSuper Jeddawi يقول...

عزيزي ,,,
كلنا نعيش العزلة والوحدة في انتظار وامل ,,,حتى نقابل من نحلم به .

لكن اذا انا وانت وغيري اعتزل المجتمع

عندها لن يبقى احد .

ولن تجد مبتغاك لانه باختصار في انتظارك مثل ما انت منتظر.

اكيد عانيت من ظروف مؤلمة
ومجتمع صعب التعايش معه

لكن صدقني لو خرجت ونظرت ستجد من يفهمك , ويسمع منك ويحمل همك


حاول ان تختلط بالناس
انا عمري 26 سنة اعتزلت الناس لدرجة جعلتني لا استطع ان اتعامل معهم في مناسبة

يعني لها سلبيات كبيرة نفسية

شد الهمة واخرج النادي او اي حديقة

صدقني " تبسم لتكن الدنيا اجمل " :-)


بالمناسبة لفت نظري انك شاعر ورسام وهذا يدل على احساس مرهف

كثير من المثليين رسامين وشعرا

شد حيلك وقوي موهبتك


قلوبنا معك


مع التحية

محمود عزت يقول...

العزيز "دايخ في عالم بايخ "
أهلا بك
أنا محمود عزت , شاعر و طبيب حديث التخرج, و أعمل بشكل حر كصحفي مراسل لصفحة الشباب في جريدة لأخبار اللبنانية
أعدّ تحقيقا للنشر في الصفحة اليومية المزمع إطلاقها قريبا في الأخبار عن المثليون و المثليات في مصر
التحقيق ينصبّ بشكل أساسي على الصعوبات و المشاكل التي يواجهها المثليون في ممارسة حياتهم بشكل طبيعي كما اختاروها و كما قرروا هم و عن وضع المثليين عموما في مصر
سيكون التحقيق مفتوحا دون أي آراء مسبقة أو أحكام مسبقة
و التحقيق فكرتي و ليس تكليفا من الجريدة, أنا أريد أن أعرف كيف يرى المثليين وضعهم في مصر مؤخرا, و أريد أن يصل ذلك للناس
لذلك فكرت أن أجري معك حوارا حول الموضوع لنشره في التحقيق , و قد وصلت إلى مدونتك بعد البحث في المدونات , و أنا مدون بالمناسبة , عن مثليين مصريين أصحاب أفكار ناضجة يمكنهم فعلا الحديث بوضوح و نضج
لن أطالبك بالكشف عن أي معلومات إضافية , فقط سيتم الإشارة إليك كـ صاحب مدونة " دايخ في في عالم بايخ " , لن تكون هناك أي أسئلة فضولية أو ألاعيب صحفية من أي نوع
فقط أريد رأيك
في حال موافقتك , سيكون الحوار عبر الإيميل إن كان اللقاء الشخصي قد يضايقك أو يسبب لك أي مشاكل أو إحراج من أي نوع حرصا منك على خصوصيتك الشخصية
محبتي الأكيدة
بإنتظار ردك

محمود عزت

محمود عزت يقول...

العزيز "دايخ في عالم بايخ "
أهلا بك
أنا محمود عزت , شاعر و طبيب حديث التخرج, و أعمل بشكل حر كصحفي مراسل لصفحة الشباب في جريدة لأخبار اللبنانية
أعدّ تحقيقا للنشر في الصفحة اليومية المزمع إطلاقها قريبا في الأخبار عن المثليون و المثليات في مصر
التحقيق ينصبّ بشكل أساسي على الصعوبات و المشاكل التي يواجهها المثليون في ممارسة حياتهم بشكل طبيعي كما اختاروها و كما قرروا هم و عن وضع المثليين عموما في مصر
سيكون التحقيق مفتوحا دون أي آراء مسبقة أو أحكام مسبقة
و التحقيق فكرتي و ليس تكليفا من الجريدة, أنا أريد أن أعرف كيف يرى المثليين وضعهم في مصر مؤخرا, و أريد أن يصل ذلك للناس
لذلك فكرت أن أجري معك حوارا حول الموضوع لنشره في التحقيق , و قد وصلت إلى مدونتك بعد البحث في المدونات , و أنا مدون بالمناسبة , عن مثليين مصريين أصحاب أفكار ناضجة يمكنهم فعلا الحديث بوضوح و نضج
لن أطالبك بالكشف عن أي معلومات إضافية , فقط سيتم الإشارة إليك كـ صاحب مدونة " دايخ في في عالم بايخ " , لن تكون هناك أي أسئلة فضولية أو ألاعيب صحفية من أي نوع
فقط أريد رأيك
في حال موافقتك , سيكون الحوار عبر الإيميل إن كان اللقاء الشخصي قد يضايقك أو يسبب لك أي مشاكل أو إحراج من أي نوع حرصا منك على خصوصيتك الشخصية
محبتي الأكيدة
بإنتظار ردك

محمود عزت
donkeshot@gmail.com