الأحد، 22 يونيو، 2008

الحاسه السابعه

اكيد عنوان غريب
بس انا متاكد فعلا انها الحاسه السابعه

كانسان مثلى انا اتعذبت الحمد لله بما فيه الكفايه خصوصا انى متدين جدا مش عارف دا الستار اللى انا بهرب فيه من عيون الناس وكلامهم لالا
انا فعلا مؤمن
دايما بصلى ومش بسيب فرض ربنا بس انا بجد بعد ما عذبت نفسى احلى عذاب اقتنعت ان اللى انا وكل المثليين فيه مجرد حاسه سابعه

وصفى ف ضميرى انى مذنب دايما وهتحاسب

بس انا فعلا مقدرش اقاوم حبى

الحاسه السادسه عند كل واحد هى مشكلته لقيها هيبقى عنده ميزه مش لقيها يبقى زى غيره

اما الامتياز بقى هو الحاسه السابعه
انك تلاقى انسان
مجرد انك تترمى ف حضنه تنسى الدنيا وما فيها بكل همومها
حد يقف جنبك بقلبه


انسان تترمى قدامه كل الاقنعه الزايفه اللى بنلبسها عشان نتعامل مع البشر بس مع حبيبك مفيش قناع انت الانسان الناعم الرقيق اللى جواك من غير ما تحتاج انك تبين حبك بيبقى واضح ف العيون
مهما كان البعد ومهما كانت المسافات

ف البدايه صوتى مع الجميع
اه فعلا المثليه شئ (غريب) وفعلا غلط
بس لو حصل لحد من اعداء المثليه اكيد هيغير رأيه
لأن مش بيحس بالنار غير اللى مسكها بايديه

اكيد انا بدأت كلامى جد بس ده لأنى من طريق والكدب من طريق تانى

انا فعلا اتعذبت ولسه بتعذب وكداب اللى يقول انه مش بيتعذب من مثليته ولو للحظه واحده ف حياته لما يلاقى كل الناس اللى بيحبهم مش عارفين حقيقته ونفسه يشاركهم حياته لما يعرف انه شئ حرام وبس

بس ف الاول وف الاخر اتحملنا وبنتحمل وهى دى حاستنا السابعه

انا مليش اصدقاء مثليين بالمره ومعرفش ف الدنيا غير حبيبى
وحبيبى ف دوله تانيه خالص
بنشوف بعض اه
وبنتكلم كل يوم

بس مهما كان نفسى الاقى صوت يرد عليا حد يسمعنى
واسمع لحد غير صدى صوتى
اتمنى اكون صداقات كتير من خلال المدونه مع ناس افهمهم ويفهمونى

mimi

هناك 8 تعليقات:

محمد يقول...

عزيزي ميمي
أنا جدا سعيد لأنني حصلت على شرف أول من يعلق في مدونتك الجديدة، ألف ألف مبروك دخولك إلى عالم التدوين وأتمنى أن تستمر صاقتنا للأبد، مدونتك الجديدة رائعة ومن بدايتها تدل على أنها ستكون مدونة واعدة وبها الكثير من المواضيع الشيقة
شيء رائع أنك وصلت إلى نوع من التقبل لمثليتك وإعتبرتها حاسة سابعة مع أنك مازلت تعتقد أن المثلية شيء خاطئ ولكن على ما يبدو أنك تصالحت مع ذاتك المثلية وهذا شيء إجابي أحييك عليه

دايخ في عالم بايخ يقول...

ايوه يا دكتور بتقول ايه
دا انا اللى ليا الشرف والله

نورررررررررررررررررتنى

شكراااااااااااااااا

عاشق ياسمين الشام يقول...

أهلا ميمي:

عالم التدوين نور بوجودك ، و بهنيك على مدونتك الرائعة؟
وعلى فكرة ، صور مهند؟
بتجنن
يا ترى إنت حلو متله و لا أحلا؟


بتمنى من كل قلبي إنو نصير أصدقاء.

تحياتي

عاشق ياسمين الشام

شاب مثلي من الشام

دايخ في عالم بايخ يقول...

(عاشق ياسمين الشام)

نورت مدونتى المتواضعه

شكرا لمرورك على مدونتى وانشاء الله اصدقاء

وصور مهند...............
اصل الواد ده مشكله

بس هو شبه اخويا عشان كده بحبه

شكرا مره تانيه


WITH LOVE


MIMI

masternino يقول...

صديقنا الجديد فى عالم التدوين ميمى
اهلا ومرحبا بك فى عالم التدوين وبين الاصدقاء الحقيقيين من المثليين والمغايرين والذى يجمعهم حب وصداقة واحترام وتقدير دون اسفاف ولا تعميم
مدونتك جميلة وروحك جميلة
تقبل صداقاتنا وتفضل بيارزة مدوناتنا ولعتبر نفسك من الاصدقاء المقربين وتاكد ان اى منا لن يدخر اى جهد لمساعدتك وابداء النصح لك فى اى وقت وفى اى مكان

Heart Beat يقول...

Dear MIMI

كنت بزور صديقي العزيز دكتور راينبو و تعرفت على مدونتك من عنده

اول زيارة لي و ان شاء الله مش الاخيرة

اتمنى لك دائما راحة البال و البعد عن الحيرة

راحة البال مهمة كتير ... عشان تقدر تحدد اتجهاتك و نظرياتك

و الحب طبعا شيء جميل جدا .. خصوصا مع شخص يكون مرآتك ... زي ما قلت بدون اي اقنعة ....روح واحدة و قلب واحد و مشاعر و احاسيس واحدة

ربنا يجمعك بحيبيك قريبا و دائما

بتمنى لك كل الحب و السعادة

دايخ في عالم بايخ يقول...

masternino

اكيد انا سعيد جدا بمرورك

وانا بجد لو محتاج اى شئ لازم الجأ لاصحابى ال انشاء الله بتمنى تكون واحد منهم


شكرا لمرورك

دايخ في عالم بايخ يقول...

اما هارت بيت

انا عارفك من زمااااااااااااااان


انا كنت بدخل مدونه محمد بس مجهول عشان مكنتش لسه بدأت ادون

وانا قريت البلوج ال كان فيه سعيد جدا لما قابلك

وزى ما بيقولوا الدنيا صغيره

واتمنى انها تصغر لغايه ما اقابل كل الناس ال عرفتهم


مع حبى
mimi